TE HIRO’A TUMU EI NIU NO TE HAAPIIRAA

Ua farerei atu te Puna Reo i te mau farehaapiiraa mai te Haapiiraa faaapu no Opunohu, te Tua Rua no Paopao, Te Tua Tahi e te tama Hou no Paopao no te ho’e opuaraa haapiiraa i te parau o to tatou ta’ere ma’ohi ma te tuatapaparaa e te heheu faahouraa i te marae OFAI  TAMA e vau nei i roto i te ‘o’o’a  no Paopao!

Arata’ihia te tuhaa no te faati’araa i teie marae e te ‘aivanaa ra o Moohono Niva!

E tu’ati’ati atu ai te mau orometua  e te taatiraa no te horo’araa i te ho’e haapiiraa i ni’a i te roaraa o te matahiti haapiiraa 2011-2012.

E turu pâpû ta te Oire Moorea-Maiao i faanaho na roto i te mau matini e te mau pereoo taipu anei e te vai atu!

E ani ato’a hia te tahi mau aivanaa o te fenua nei ia tae roa mai no te horo’a raa i te ho’e haapiiraa au maita’i i te faito paari o te tamarii.

No te parau ra o te ‘a’ai e te parau paari no Paopao na te ‘orero ra  o  Rotui tane (Rurua  Maurice) e haapa’o mai ma te haapii atu i te mau mea ato’a e ‘aua haati nei i teie Marae o te Tama ‘oia o ‘OFA’I TAMA.