Te tau faafa’earaa a te mau tamarii

Ua tupu  iho  nei te faafa’earaa  a  te mau tamarii  o  te Puna Reo  i Paopao i teie ‘ava’e tiurai i mahemo a’e nei!

Ho’e ava’e i te maoro, ua tae rahi mai te mau tamarii  i  te faito 60 o ratou.

Rave rahi faanahoraa  i rave hia mai te fana’oraa  i te mau ‘a’ai o te fenua, te haapiiraa i te mau pata’uta’u e te mau himene ‘ai’a.

Ua ta’ahi na Opunohu, ua  hopuhopu  i  te  miti  i Tahiamanu, ua ‘ori e ua poro te’i i te 14 no tiurai  e  te vai  atu…

O te ho’e faanahoraa api o tei rave hia o te faaapu io Teariki: ua tano i te umara, te tarua  e  te re’a. Na Narii e tona utuafare i farii  mai e i haapii mai! Ua au roa te tamarii!

Ua fana’o ato’a te mau metua i te arata’iraa na na ‘aivanaa no te marae oia o Hinanui Cauchois e o Tamara Maric o tei faanaho mai i te ho’e paheruraa  i ni’a  i  te marae Pererau i Pihaena. Aue, hope roa i te au!

A hi’o noa mai i te mau hoho’a!

(Voir des photos)