Non classifié(e)

E i pehepehe a’e na ‘oe e Hepa

Hepa, tamaiti herehiaHaruru otu’i mai nei te reo tavevovevo e:
Ua mate… Ua mate… Ua mate…

Ua mate teie Tamaiti !
Ua mate teie Mootua!
Ua mate teie Hoa iti !
Ua mate teie ‘Aito iti  no te ‘Âti Te Arawa!
Ua mate teie Iho  no te Marae Houmaitawhiti!

E taure’are’a i roto i tona re’are’a raa!
Era ho’i te  tareni e vai noa mai ra
Ahee…  Ua mate!… Ahee…
Atira ia!
Ua reva i te haereraa roa!

Ua tano te parau e:
Rahu iho ra te Atua i te taata
Puhi iho ra te aho ora  ei meho’i nona
E inaha!
Ua ho’i te meho’i i te Atua ra !
E… ‘Oia!

E teie tamaiti o ta matou i here
A haere ra, a haere ra !
Na te Atua hau e hii ia oe i tona na maru pererau
Nana ato’a e tamarû i te mamae o to metua vahine

 

O oia ho’i i hii ia oe, i tavai , i ho’iho’i , i aupuru ia oe!
Na reira ato’a to metua tane,
Ia  turu te Fatu ia na i ‘oe i roto i teie mata’i rorofa’i!
Are’a ia oe e  te metua  tupuna,
A farii mai i te tapa’o o to matou  aroha e te here
Aroha i to ‘oe ‘opu fetii
Aroha i te mau hoa ato’a….

E Hepa iti, haere ra, haere ra, haere ra…
Tei te Atua Hau oe i teie nei!

 

 

 

 

 

 

 

 

Leave a Reply