Pererau

Ua tupu te ho'e tuurima mana i rotopu i te oire ti'ahia mai e te tavana Raymond Vanbastolaer e te Puna reo no teie fenua o Pererau.

Na te Puna reo ia e ti'a'au i teie fenua 12 matahiti i te maoro.

E fenua faufaa roa i roto i te 'a'ai o Rotui e te mata'einaa o Pihaena.

Teie ni'a ho'i i teie fenua te marae o te Pahu e i 'û nei ho'i  na ti'ai o te mou'a e vai ai oia o Teava e o Teavau.

Na te pahu i Perehau e faahiti mai te parau o te Arii Vahine ra o Teremuura. Na te Pahu i Pererau e afa'i mai te mau parau mana ato'a i roto i teie nunaa.

Te faahiti ra to Piha'ena e:

…Ua rutu a Pahu tei Pererau

Hurihuri i ni'a ia Rotui

Haavinivini ura i te taivaiva o te Rai….

 

I roto i teie pu'e tau e faaiho faahou te taatiraa i te parau no teie marae, e patu faahou ma te tauturu hia e te Pû ohipa o te Hiro'a tumu.

I raro iho, e tanu hia ia te maa, te tahi  mau tumu ra'au faufaa e  te mau unauna e faa'ohipa rahi hia.

Ua fana'o te taatira e 5 rave ohipa ''CPIA'' i teie matahiti.

Te fâ: ia roa'a i teie mau taure'a i te ho'e rave'a faatupu-raa ohipa!